Alle ha u naxariistee Witig ayaa magaalada Muqdisho ku geeriyooday
maalintii sabtida oo ku beegneyd 27-kii Bishan July, iyadoo isla maalintaasna Muqdisho
lagu aasay, waxaana buuga tacsida laga furay xarunta xiriirka ee Muqdisho.
"Waxaa ay ahayd murugo iyo naxdin weyn oo nasoo gaaray kadib markii aan
ogaanay warka ku saabsan geerida ku timid cayaar yahan hore oo ka tirsanaa xulka
qaranka kubada cagta Soomaaliya Cabdullaahi Cilmi Warsame oo geeriyooday 27-kii
bishan July”ayuu qoraalkiisa tacsida ah ku yiri guddoomiyaha xiriirka kubada
cagta qaarada Africa Ciise Xayaatu.
"Cayaaryahankan hore oo ku magac dheeraa ‘Witig’ waxaa uu ka mid ahaa
cayaaryahanadii ugu waaweynaa xulka qaranka kubada cagta Soomaaliya mudo ku dhow 15 sanadood”ayuu guddoomiyaha
CAF Ciise Xayaatu ku yiri dhambaalka tacsida ah ee uusoo soo gaarsiiyay
guddoomiyaha xiriirka kubada Cagta dalka Soomaaliya Mudane Cali Saciid Guuleed
Rooble.
"Aniga oo ku hadlaya magaca xiriirka kubada cagta CAF, kan bahweynta
kubada Cagta Qaarada Afrika iyo magacaygaba waxaan jeclaan lahaa in aan
dhambaal tacsi ah u diro bahda kubada cagta Soomaaliyeed iyo qoyskii uu ka
geeriyooday Marxuum Witig”ayuu yiri guddoomiyaha Ururka kubada cagta Qaarada
Afrika ee CAF ciise Xayaatu oo qoraal tacsidan xambarsan soo gaarsiiyay
guddoomiyaha Xiriirka Soomaaliyeed ee kubada Cagta Mudane Cali Saciid Guuleed
Rooble.
Dhambaalka tacida ah ee sida deg dega ah uu usoo diray guddoomiyaha CAF
ayaa muujinaya sida ay bahweynta kubada cagta Afrika ula duubantahay Soomaaliya
mar kasta oo dhibaato ay dhacdo.
Somali Football Federation Media Department
Email:somalifootballmedia@gmail.com