Cayaaryahanka la yiraahdo Didier Drogba ee u dheela kooxda Chelsea ee dalka Ingriiska una dhashay dalka Ivory Coast, Yaya Toure oo u dheela kooxda Barcelona ee dalka Spain iyo cayaaryahanka u dhashay Cameroon ee la yiraahdo Samuel Eto’o una dheela kooxda Inter Milan,ee dalka Talyaaniga ayaa ah sadexda cayaaryahan ee Afrika ugu jira liiska lasoo saaray ee cayaartoyda dunida ee sanadkan la siinayo abaal marinta kubada dahabka.
Eto’o iyo Drogba ayaa liisyo hore kasoo muuqaday hada ka hor inkastoo aanay waligoodba helin abaalmarinta noocan oo kale ah,laakin lama oga in sanadkan ay sidii hore noqon doonto iyo in midkood wax heli doono,maadaama liiskan lasoo saaray uu yahay saadaalin oo kaliya laakin cida guuleysatay ay dib kasoo bixi doonto.
Qaabka ay cayaaryahanadu ugu kala horeeyaan liiska ayaa lasoo ban-dhigidoonaa 1-da bisha December ee soo socota.
Marka loo eego qaarada Afrika xiddiggii hore ee dalka Liberia George Weah ayaa ahaa cayaaryahanka keliya ee Afrika ka helay abaal marintan waxaana la gudoonsiiyay sanadku markuu ahaa 1995-kii.
Magacyada cayaartoydu waa kuwan hoose.