Wafdiga Xiriirka kubada cagta Soomaaliya ka socda ayaa
waxaa hogaaminayay Yuusuf Xuseen Muumin oo xubin ka ah xiriirka, waxaana
sadexda cayaaryahan ee da’yarta ah ay kala yihiin: Cabdiraxmaan Maxamuud
Jaamac, Cabdulaahi Cali Xasan iyo Zakariye Axmed Maxamed. Sadexda wiil ayaa ka
mid ahaa cayartoyda xulka qaranka U-17 ee tariikhda ka sameeyay cayaarihii
CECAFA ee bishii lasoo dhaafay dhacay kadib markii ay Soomaaliya gaarsiiyeen
Finaalka CECAFA markii ugu horeysay taariikhda.
Barnaamijka Saaxiibtinimada kubada cagta ayaa waxaa uu isu keeni doonaa dhalinyaro ka kala socota 211 dal oo xubno ka ah FIFA, waxaana uu ka dhacayaa dalka Ruushka inta u dhexeysa 8-da ilaa 15-ka June. Barnaamijka saaxiibtinimada kubada cagta ayaa ah isu imaatin bulshadeed caalami ah oo loo qabanayo caruur ka kala timid caalamka waxaana maal gelineysa shirkadda Gazprom oo sanadkan taageereysa koobka aduunka ee lagu qabanayo Ruushka.
Ujeedada ugu weyn ee barnaamijka F4F ayaa ah in leysu
keeno dad da’ yar ah oo aduunka oo dhan ka kala socda si loo horumariyo
saaxiibtinimada, nabada, sinaanta, is dhex-galka dhaqameedka iyo is xushmeyn.
Guddoomiye ku xigeenka 1-aad ee xiriirka kubada cagta
Soomaaliya Cali Cabdi Maxamed oo wafdiga Soomaaliya diray ayaa sheegay in
barnaamijkani uu dhalinyarada u abuuri doono fursad is barasho iyo
saaxiibtinimo iyadoo loo marayo kubada cagta, isagoo intaa ku daray in ka qeyb
galka barnaamijkani uu Soomaaliya muhiimad weyn u leeyahay.
"Soomaaliya waligeed kama qeyb galin koobka aduunka,
sidaa daraadeed dhalinyaradani waa kuwa ugu nasiibka badan Soomaalida, sababtoo
ah waxay fursad u helayaan in ay soo arkaan koobka aduunka. Waxay barnaamijka
saaxiibtinimada kubada cagta kasoo kororsan doonaan khibrad iyo aqoon”ayuu yiri
guddoomiye ku xigeenka 1-aad ee xiriirka kubada Cagta Soomaaliya Mudane Cali
Cabdi Maxamed.
Somali
Football Federation Media Department
Email:info@somsoccer.com