Guddoomiye ku xigeenka ayaa amaantan u gudbiyay maamulayaasha naadiga kadib kulan uu la yeeshay guddoomiyaha naadiga Heegan ee ciidanka Booliska Soomaaliyeed Col Cali Cabdi Maxamed (Shiine).
Waxaa uu guddoomiye ku xigeenka kubada cagtu sheegay in taariikhda isboortiga Soomaaliyeed ay waligeed xusi doonto wax qabadka maamulka naadiga heegan gaar ahaana maageliyaha naadiga sportiga ee Heegan ahna taliyaha ciidanka booliska Soomaaliyeed General Cabdi Xasan Cawaale Qeybdiid.
Naadiga heegan oo horay u lahaa kooxaha kubada koleyga,gacanta,laliska iyo cayaaraha fudud ayaa haatan sameystay koox kubada cagta ah.
Todobaakii lasoo dhaafay ayaa kooxda kubada cagta ee naadiga Heegan waxaa ay 3 cayaarood oo saaxiibtinimo la yeelatay xulka qaranka U 17-ka oo haatan u diyaar garoobaya cayaaraha dhalinyarada da’doodu ka yartahay 17-ka sano ee bisha October ka dhici doona dalka Sudan.
Somali football Media Department
Email: somalifootballmedia@gmail.com
+2525-0-969815 Cell
+2525 936226 office