Cayaar aad u kululayd oo ka saacado ka hor bilowgeeda garoonku uu buux dhaafay ayaa waxaa ay galabta garoonka Mire Awaare jaamac ee magaalada Garowe ku dhex martay xulalka gobalada Nugaal iyo Mudug,waxaana ay cayaartaasi oo ahayd mid aad u xamaasad badan gaar ahaana taageerayaasha gobalka Mudug oo ku yimid gawaarida waaweyn ee waaraadyada loo yaqaano oo gaarayaya ilaa iyo 5 gaari.
Qeybtii hore ee cayaarta ayaa kusoo dhamaatay 2-0 oo ay labada lahaayeen cayaaryahanada gobalka Nugaal,iyadoo markii qeybtii dambe la isusoo laabtay labada xul mid waliba uu ku dadaalayay in uu guusha la hoyaado caawa laakin waxaa ay ugu dambeyntii cayaartu kusoo idlaatay 5-1 oo ay guushu ku raacday xulka gobalka Nugaal ee martida loo ahaa.
Sida qorshuhu yahay barri oo Axad ah ayaa waxaa cayaarta Finalka isku arki doona xulalka gobalada Bari iyo Nugaal,sida uu shaaca ka qaday xoghayaha guud ee xiriirka Soomaaliyeed ee kubada cagta Mudane cabdi Qani Saciid Carab oo caawa u warramayay waaxda war faafinta xiriirka Soomaaliyeed ee kubada cagta.
Somali football press department
Contact:somalifootballmedia@gmail.com