Saxaafada dalka Tanzania ayaa wareysiyo la yeeshay macalinka xulka qaranka Soomaaliyeed Maxamed cabdulle Farayare waxaana uu macalinku ka warbixiyay diyaar garowgii ay soo mareen, marxalada ada oo ay ku shaqeeyaan.

“Waxaan kooxdan kusoo diyaarinay magaalada Muqdisho ee dagaaladu ka socdaan, waxaan aad ula yaabay markii aan maqlay in warbaahinta dalka Tanzania qaarkood ay shaaciyeen in xulka Soomaaliya ay tababar kusoo qaateen South Afrika, warkaasina waa wax kama jiraan”ayuu macalinka qaranku ka sheegay shir jaraa’id maanta.

“Inkastoo xaalada wadankeenu adag tahay hadana kalsooni ayaan ku qabaa wiilasheyda yar yare e dagaalada kusoo bar baray”ayuu macalinka qaranku ka sheegay shirkiisii jaraa’id ee uu maanta ku qabtay Magaalada Dar es Salaam.

“Cayarta aanu la yeelanayno dhigeena Tanzania guul ayaan ka rajeynayaa”ayuu hadalkiisa sii daba dhigay macalinka qaranka Soomaaliyeed farayare.

Si kastaba ha ahaatee kulanka adag ee dhex maraya xualalka Soomaaliya iyo Tanzania ayaa maalinta sabtida ah ee inasoo aadan abaara 3:00Pm waxaa uu ka dhici doonaa garoonka weyn ee Uhuru Stadium.