Tababarkan ayaa waxaa uu qeyb ka yahay barnaamijka lagu horumarinayo kubada cagta Afrika ee loogu magac daray Win in Africa with Africa.
Macalimiinta ayaa al siinayaa duruus la xariirta sharciyadii ugu dambeeyey ee macalinimada kubada cagta , waxaana maalintiiba ay qaataan 3 saacadood oo baraatiko ah iyo 5 saacadood oo theory ah waxaana macalinka tababarka bixinaya oo lagu magacaabo Ulric Mothiot uu sheegay in wax uusan fileyn uu kala kulmay macalimiinta Soomaaliya.
“Waa dad aad ugu diyaarsan tababarkan oo ah kuwii ku haboonaa, waxaana ka muuqata in ay ka go’antahay in ay aqoon kororsadaan”ayuu yiri macalin Ulric Mothiot.
Masuuliyiin Soomaaliyeed oo uu ka mid yahay ku simaha safiirka Soomaaliya ee dalka Jabuuti Cabdiraxmaan Maxamed Hiraabe ayaa maalin kasta yimaada halka uu tababarku ka soconayo iyagoona ku dhiiri geliya xiriirka Soomaaliyeed ee kubada cagta iyo macalimiintaba wax qabadkooda.
Waxaa uu safiirku aad u amaanay kaalinta xiriirka ee ku aadan howshan loo qabanayo Soomaaliya oo aan horay hada ka hor loogu qaban xitaa bari samaadkii, maadaama tiradan oo kale oo macalimiin Soomaaliyeed ah aan waligood tababar loogu qaban dalka dibadiisa.
Masuul sare oo lagu magacaabo Daaha Ismaaciil oo ka socda FIFA iyo CAf ayaa lagu wadaa in maalmaha soo socda uu soo gaaro dalka Jabuuti si uu munasabada gabagabada iy adoo Lagu wadoo habeenka jimcaha in halkan lagu qabto xaflad weyn oo gaba-gabo ah.
Somali football Media Department
Email somalifootballmedia@gmail.com
+25250 969815 cell
+2525 936226 office